هي حقيقة او حلم والا خيال . . .

ماتوقعتك جميلة


وكل حكيك لي جمال


وماتوقعتك بخيله


تحرميني من الدلال


ماتوقعتك كذا


سحرك يهز الجبال


وماحلمت بوحده مثلك


كل مافيها كمال


وماحلمت بهالمحبه


توصف بوصف الخيال


مقدر اسمع في غلاتي


كل ماقيل وقال


كلي ثقة وكلي امل


بدونها عمري محال


ياحياتي من وصوفك


احلم بيوم الوصال


وكل وصوفك لي شعر


صعب يخفيه الشعور


وكل كلماتك حكم


والنسمه اعطر من بخور


وكل همساتك عبر


تعبر بفكري عبور


عبيرها منك وفيك


عبيرها يطرح طيور


عبيرها يسحر كياني


يسحر القلب الصبور


متى ارسمك بحياتي


متى اعشقك بغرور


متى تعطيني الليالي


قلب صابر له دهور


متى ارسم ذكرياتي


واوصف جمال الشهور


شهور في قربك غلاتي


كنها ليله بحياتي


وكنك انتي لي مصيري


واعرفي دوم بخيالي


دوم احاول عد وصوفك


ودوم اغلط واعيد ثاني


تزين لي بقربك حياتي


وغيابك يتركني اعاني


اشهد اني من عرفتك


هزة العشق بكياني


واشهد انه فيك حلمي


ومابي غيرك لو بغاني


واشهد انك ذكرياتي


وانت لي كل الاماني


واشهد ان قلبي غلاتي


بدون قلبك .. قلب فاني


بقلمي